Иран до САД: Не може примирје, а паралелно „масакр“ во Либан

Иран упати остра порака до САД, обвинувајќи дека израелските напади врз Либан претставуваат сериозно прекршување на примирјето со Техеран.

— реклама —

Заменик-министерот за надворешни работи Саид Хатибзаде во интервју за Би-Би-Си изјави дека Иран испратил директна порака до Белата куќа, предупредувајќи дека не може истовремено да се бара примирје и да се дозволи продолжување на воените операции.

„Не можете да барате примирје, да ги прифатите неговите услови и опфат, вклучително и Либан, а потоа вашиот сојузник да започне масакр“, изјави Хатибзаде.

— реклама —

Според него, нападите на Израел врз цели во Либан претставуваат „тешко прекршување“ на договорот, па дури и „своевиден геноцид“.

— реклама —

Од израелска страна, пак, се тврди дека цел на операциите е Хезболах, кој истовремено изведува ракетни напади врз израелска територија.

Оваа размена на обвинувања дополнително го става под знак прашалник веќе кревкото примирје, кое уште од првиот ден се соочува со различни толкувања и меѓусебна недоверба меѓу клучните актери.

Аналитичарите предупредуваат дека доколку не се расчисти опфатот на договорот – особено прашањето дали Либан е дел од него – постои сериозен ризик од нова ескалација на конфликтот.