Иран ги откри „црвените линии“ во преговорите со САД

Иранските државни медиуми ги објавија клучните „црвени линии“ на Техеран во тековните преговори со САД, откако во изминатите денови се појавија знаци за можен напредок во разговорите меѓу двете земји.

— реклама —

Американскиот претседател Доналд Трамп изјави дека не треба да се брза со договорот, нагласувајќи дека „или ќе има одличен договор или нема да има никаков договор“.

Набргу по неговата изјава, САД извршија нови напади, кои ги опишаа како дејствување во „самоодбрана“, но, според медиумите, преговорите засега продолжуваат.

— реклама —

Иранската агенција ИРНА наведува дека Техеран не е подготвен на компромис кога станува збор за „инфраструктурата на иранската нуклеарна програма“.

— реклама —

Вашингтон повеќепати порача дека Иран не смее да развие нуклеарно оружје, а, според дел од извештаите, САД бараат Техеран да го предаде збогатениот ураниум.

Една од главните точки за Иран е и прашањето за Ормускиот теснец. Според иранските медиуми, Техеран бара признавање на своето право на разузнавачки и оперативен надзор над овој важен поморски премин.

— реклама —

Дополнително, Иран инсистира и на ослободување на замрзнатите финансиски средства под меѓународни санкции, особено средствата што се наоѓаат во Катар.