Иран извезe 70 милиони барели нафта за време на ублажувањето на санкциите

Иран успеал да извезе околу 70 милиони барели нафта во вредност од пет до шест милијарди долари за време на периодот кога американските санкции биле привремено ублажени.

— реклама —

Ова го објави американскиот весник „Волстрит журнал“, повикувајќи се на податоци од невладината организација „Обединети против нуклеарен Иран“.

— реклама —

Според организацијата, меѓу средината на јуни и средината на јули околу 20 ирански танкери испловиле кон Азија.

— реклама —

Канцеларијата за контрола на странски средства (OFAC) при американското Министерство за финансии на 22 јуни објавила документ со кој се потврдува дека САД издале општа лиценца за производство, снабдување и продажба на иранска нафта и нафтени деривати.

— реклама —

Меѓутоа, на 7 јули американското Министерство за финансии ја укинало општата лиценца издадена во јуни, со која беа ублажени санкциите кон иранскиот нафтен сектор до 21 август, и повторно забранило нови активности во овој сектор, наведува „Волстрит журнал“.