Иран: Мировниот договор со САД нема да биде потпишан утре

Мировниот договор меѓу Иран и САД сепак нема да биде потпишан утре, соопшти портпаролот на иранското Министерство за надворешни работи, Есмаил Багаеи.

— реклама —

Како што пренесуваат иранските државни медиуми, Багаеи изјавил дека Техеран мора да биде внимателен при најавувањето датуми за потпишување поради, како што наведе, двоумењето на САД.

Неговата изјава доаѓа во време на сè погласни шпекулации дека првичниот договор би можел да биде постигнат викендов, наводно и поради желбата на американскиот претседател Доналд Трамп да обезбеди договор пред самитот на Г7, кој започнува во понеделник.

— реклама —

Со ова, Техеран ги демантираше претходните изјави на пакистанскиот премиер, кој денеска тврдеше дека договорот е „поблизок од кога било“ и дека неговото потпишување најверојатно ќе се случи во следните 24 часа.

— реклама —

Во меѓувреме, Иран во Техеран одржа средби со своите клучни сојузници. Заменик-министерот за надворешни работи Казем Гарибабади разговараше со руски и кинески претставници за најновите случувања поврзани со нацрт-меморандумот за разбирање.

„Стратешкото партнерство меѓу Иран, Кина и Русија, како и координацијата и соработката меѓу трите земји, ќе продолжат цврсто“, изјави Гарибабади.

Од друга страна, Пакистан и натаму останува на ставот дека електронската церемонија за потпишување на договорот е закажана за недела и покрај пораките од Техеран дека договорот би можел да биде финализиран во наредните денови, но не и утре.