Иранската Револуционерна гарда соопшти дека ќе биде обезбеден безбеден и стабилен премин за бродовите низ Ормутскиот теснец, што се толкува како сигнал за можно повторно отворање на една од најважните поморски рути во светот.
На профил поврзан со командата на поморските сили на Гарда на социјалната мрежа X е објавено дека „агресорските закани“ ќе бидат неутрализирани и дека се воспоставуваат „нови протоколи“ за движење низ теснецот, без прецизно појаснување на нивната содржина.
Во објавата се наведува дека мерките се насочени кон гарантирање на сигурен поморски сообраќај, а споменувањето на неутрализирани закани најверојатно се поврзува со одлуката на американскиот претседател Доналд Трамп за привремено запирање на операцијата за обезбедување на пловидбата низ регионот.
