Иран подготвува сценарио за копнена војна: дадена „Пукај по волја“ директива за армијата

Иран издал нова воена директива со која неговите сили се подготвуваат за можен копнен напад од САД, вклучително и сценарија за урбани борби и справување со внатрешни безбедносни закани.

— реклама —

Според наводите објавени во медиумите, директивата им дава овластување на воените и безбедносните единици да дејствуваат самостојно, дури и без директни наредби од централната команда – пристап кој во Техеран се опишува како „пукај по волја“.

Документот, подготвен во рамки на иранскиот Генералштаб и усогласен со врвните државни и безбедносни структури, предвидува зголемена подготвеност, заштита на клучни објекти и распоредување на силите во чувствителни региони, особено во главниот град Техеран и другите големи урбани центри.

— реклама —

Истовремено, иранските власти разгледуваат и офанзивни сценарија. Во случај на американска копнена интервенција, се споменува можност за заземање на крајбрежни делови на Обединети Арапски Емирати и Бахреин, како дел од поширока стратегија за одговор.

— реклама —

Покрај надворешната закана, директивата открива и сериозна загриженост кај иранските власти од потенцијални внатрешни немири и активности на вооружени групи, особено во западните и источните делови на земјата.

Аналитичарите оценуваат дека целосна копнена инвазија врз Иран би била исклучително комплексна и ризична, но не ја исклучуваат можноста за ограничени операции – како што се заземање на стратешки острови или позиции во близина на Ормуски теснец.

— реклама —

Овие подготовки доаѓаат во услови на зголемена воена активност во регионот и засилена реторика меѓу Техеран и Вашингтон, што дополнително ја зголемува неизвесноста околу можната следна фаза од конфликтот.