Иран порача: Нема да се откажеме од нашите црвени линии

Иран нема да се откаже од своите црвени линии, како што се правото на збогатување ураниум, задржувањето на збогатениот ураниум, контролата врз Ормутскиот теснец и укинувањето на санкциите, изјави шефот на парламентарниот Одбор за национална безбедност и надворешна политика, Ебрахим Азизи.

— реклама —

„Јасно е дека Трамп еден ден користи закани за да се извлече од оваа стратешка пат-позиција, а веќе следниот ден моли за договор“, напиша Азизи на платформата Икс.

— реклама —

Американскиот претседател Доналд Трамп во средата изјави дека Иран „преговара со последни сили“ и порача дека изборите во ноември нема да го натераат да брза со договор за ставање крај на речиси тримесечната војна што предизвика глобални последици.

Висок претставник на американската администрација за Си-ен-ен изјавил дека рамковниот договор им дава на страните рок од 60 дена за постигнување конечен договор.

— реклама —

Според него, потенцијалниот договор треба да гарантира дека Иран никогаш нема да може да поседува нуклеарно оружје и ќе го обврзе Техеран да се откаже од високо збогатениот ураниум.

— реклама —