Иран се закани: „На секој нов напад ќе одговориме уште посилно“

Иранското воено раководство предупреди дека ќе одговори со уште поголема сила доколку продолжат нападите врз земјата, во услови на засилени тензии и размена на оган со Израел.

— реклама —

Портпаролот на Централната воена команда „Хатам ал-Анбија“ во изјава објавена на иранската државна телевизија порача дека Техеран е подготвен на пожестока реакција во случај на нови непријателски дејствија.

— реклама —

„Доколку продолжат агресијата и непријателските активности, кон Соединетите Американски Држави и Израел ќе се постапува уште посилно“, изјави портпаролот на иранската команда.

— реклама —

Предупредувањето доаѓа во период на зголемени тензии на Блискиот Исток, откако во изминатите денови беа регистрирани нови напади и меѓусебни обвинувања меѓу Техеран и Тел Авив.

Меѓународната заедница во меѓувреме продолжува да повикува на воздржаност и дипломатско решение, стравувајќи од дополнителна ескалација на конфликтот во регионот.