Иран со остри обвинувања до НАТО: Европа е соучесник во агресијата

Иран упати остри обвинувања кон НАТО и неколку европски држави, тврдејќи дека тие се соучесници во американско-израелските воени операции против Техеран.

— реклама —

Портпаролот на иранското Министерство за надворешни работи, Есмаил Багаеи, ги критикуваше изјавите на генералниот секретар на НАТО, Марк Руте, оценувајќи дека тие претставуваат признание за, како што наведе, „намерно европско соучесништво“ во воените дејствија против Иран.

— реклама —

Според Багаеи, државите што дозволиле користење на нивната територија, воени бази и инфраструктура за изведување на операциите не можат да се ослободат од одговорноста за, како што рече, „неиспровоцираната агресија и нејзините тешки последици“.

— реклама —

Реакцијата на Техеран следува откако Марк Руте ги поддржа најновите американски напади врз Иран, оценувајќи дека тие биле „апсолутно неопходни“.

Генералниот секретар на НАТО претходно изјави и дека членките на Алијансата обезбедиле логистичка поддршка за САД за време на конфликтот, посочувајќи дека во првите шест недели од војната меѓу 4.000 и 5.000 американски воени авиони полетале од бази лоцирани во Европа.