Иранскиот претседател: Никогаш нема да се предадеме – Трамп ќе ги однесе соништата за капитулација во гроб

Иранскиот претседател Масуд Пезешкијан изјави дека Иран „никогаш нема да се предаде“, додека судирите со Израел продолжуваат со размена на напади, а иранската војска возвраќа со удари и кон неколку земји од Персискиот Залив.

— реклама —

Пезешкијан се огласи помалку од еден ден откако американскиот претседател Доналд Трамп порача дека неговата администрација нема да преговара со Техеран без „безусловна предаја“.

— реклама —

Во телевизиско обраќање на државната телевизија, иранскиот претседател ги отфрли ваквите барања.

Во меѓувреме, според наводите, по убиството на врховниот лидер Али Хамнеи пред една недела, во Иран е воспоставено привремено трипартитно раководство што ќе ја управува државата додека не биде избран негов наследник.

— реклама —

Во советот се претседателот Пезешкијан, кој во јавноста важи за поумерен политичар, потоа претседателот на правосудството и тврд конзервативец Голамхосеин Мохсени Еџеи, како и високиот клерик Алиреза Арафи.

— реклама —

Пезешкијан, исто така, соопшти дека привременото раководство одлучило соседните земји повеќе да не бидат цел на напади, освен ако нападите врз Иран не бидат иницирани од нивна територија. Како што пренесуваат иранските медиуми, тој им се извинил на соседните држави за ударите што се случиле во последните денови.