Иранскиот претседател Масуд Пезешкијан изјави дека Иран е подготвен да ги продолжи мировните преговори и дека дипломатијата останува префериран начин за решавање на споровите, во разговор со францускиот претседател Емануел Макрон, пренесуваат повеќе ирански медиуми.
Пезешкијан, според тие наводи, му рекол на Макрон дека заканите, притисокот и воените акции се бескорисни и дека тие само ќе ги влошат проблемите кои, како што навел, ги создале САД.
Тој додал дека Европа треба да ги поттикне САД да се придржуваат до меѓународното право и прописи.
