Основното јавно обвинителство Битола донесе наредба за спроведување истражна постапка против 36-годишен маж, осомничен дека во периодот од јануари до јуни годинава во повеќе наврати извршил полов однос со 12-годишно девојче, со што сторил продолжено кривично дело „Силување на дете кое не наполнило 15 години“ од член 188, став 1 од Кривичниот законик.
Според Обвинителството, осомничениот со девојчето, родено во 2014 година, контактирал и се допишувал преку социјалните мрежи. Покрај сексуалната злоупотреба, тој е осомничен и за кривично дело „Прикажување на порнографски материјал на дете“ од член 193, став 4 во врска со став 3 од Кривичниот законик.
Надлежниот јавен обвинител до судијата на претходна постапка доставил предлог за определување мерка притвор поради опасност од бегство, можност осомничениот да го повтори делото, како и поради ризикот да влијае врз оштетената, нејзиниот исказ и врз други сведоци во постапката.
Истрагата за случајот е во тек.
