Два авиони Ф-16 од романската воздухопловна база Борча биле подигнати за да ја следат ситуацијата долж романско-украинската граница, откако романскиот радарски систем регистрирал дрон во близина на украинскиот град Вилково, соопшти романското Министерство за одбрана.
Дронот, бил регистриран во 10:36 часот по локално време, на околу 20 километри источно од Вилково, во близина на границата со Романија.
По известувањето на романскиот Национален воен команден центар, Генералниот инспекторат за вонредни ситуации во 10:50 часот испратил предупредување преку системот RO-ALERT до населението во североисточниот дел на округот Тулча.
Предупредувањето било испратено до жителите на 18 населени места, меѓу кои и сите населени места во областа на делтата на Дунав.
Вонредната состојба била прекината во 11:18 часот по локално време. За време на предупредувањето, немало повици од граѓани на единствениот број за итни случаи 112.
Двата авиони Ф-16 од 86. воздухопловна база Борча продолжиле да ја следат ситуацијата долж границата меѓу Романија и Украина.
