Иван Ивановски: „Добри луѓе“ ја донесе приказната за трагедијата во Кочани пред светската јавност

Приказната за трагедијата во Кочани продолжува да стигнува до меѓународната јавност преку документарниот филм „Добри луѓе“ на Милчо Манчевски, кој имаше светска премиера во официјалната документарна конкуренција на Сараевскиот филмски фестивал.

Иван Ивановски, директорот на фотографија на филмот и дел од тимот волонтери на „Support Kočani“, сподели дека претставувањето на филмот во Сараево е важен момент за сведоштвата од Кочани да бидат слушнати и надвор од земјата.

— реклама —

„Добри луѓе“ ја донесе приказната за трагедијата во Кочани пред меѓународната јавност. Како директор на фотографија на филмот и дел од тимот волонтери на „Support Kočani“, го споделивме овој важен миг на вистината со светската јавност“, напиша Ивановски.

— реклама —

View this post on Instagram

Тој нагласи дека со тоа не завршува нивната мисија, посочувајќи дека Кочани има потреба од долгорочна и системска поддршка, особено во работата со младите.

— реклама —

„Кочани има потреба од системска рехабилитација, многу работа со младите и длабок, колективен ангажман од сите – од локалната заедница и државата до целиот регион“, порача Ивановски.

Според него, на градот му е потребен вистински простор за живот и перспектива, што може да се обезбеди само преку здружени сили и континуирана работа.

Објавата ја посвети на сите што ги загубија животите во трагедијата во дискотеката „Пулс“ во Кочани.