Изгубил контрола над мопедот, излетал од патот и удрил во дрво – тешко повреден 18-годишник

Осумнаесетгодишен мопедист од Гевгелија се здобил со тешки телесни повреди во сообраќајна несреќа што се случила на регионалниот пат меѓу селата Пирава и Јосифово во валандовскиот регион.

— реклама —

Како што информира Министерството за внатрешни работи, на 29 мај во 19:10 часот во Полициската станица Валандово било пријавено дека мопед со гевгелиски регистарски ознаки, управуван од Ф.Д. (18) од Гевгелија, изгубил контрола, излетал надвор од коловозот и удрил во дрво.

— реклама —

— реклама —

Во несреќата младиот возач се здобил со тешки телесни повреди, кои биле констатирани во Здравствениот дом во Гевгелија.

— реклама —

Увид на местото на настанот извршила екипа од ОВР Валандово, а се утврдуваат причините за несреќата.