Израел тврди дека Иран планира напади со хемиско оружје

Израел им доставил разузнавачки информации на САД и на земјите од Заливот, според кои Иран разгледува можност за употреба на хемиско оружје против своите противници, објави „Њујорк тајмс“.

Израелските претставници тврдат дека заканата од хемиско оружје е поитна од иранската нуклеарна закана. На американските колеги им соопштиле дека Иран развива технологија за испукување хемиско оружје со ракети или за негово шверцување во непријателски земји, наведува весникот.

— реклама —

Некои американски претставници сметаат дека израелската влада ги користи овие разузнавачки информации за да го поттикне претседателот Доналд Трамп да ги обнови воените операции против Исламската Република.

— реклама —

Дел од претставниците на земјите од Заливот изразиле скептицизам и ги оцениле изнесените тврдења како несериозни.

Други американски претставници, пак, ги сфаќаат предупредувањата сериозно, имајќи ги предвид и другите разузнавачки процени за можни ирански напади врз американските интереси и сојузници.

— реклама —

Израелските вежби за вонредни ситуации, одржани оваа недела, не биле насочени кон заканата од хемиско оружје, пишува „Њујорк тајмс“.

— реклама —

Канцеларијата на израелскиот премиер не ги коментирала конкретните тврдења од написот. За „Тајмс оф Израел“ порачала:

„Израел внимателно ја следи секоја закана од иранскиот терористички режим и е подготвен да ѝ се спротивстави.“