Израелската војска тврди дека ликвидирала високи ирански разузнавачки функционери

Израелски одбранбени сили соопшти дека ликвидирала високи функционери на иранското разузнавање, меѓу кои и Сајед Јахја Хамиди, заменик-министер за разузнавање задолжен за прашања поврзани со Израел.

— реклама —

Во новото соопштение, израелската војска наведува дека бил убиен и Џалал Пур Хосеин, раководител на одделот за шпионажа во иранското Министерство за разузнавање, заедно со други, како што се наведува, „режимски функционери“. Не се прецизира кога, каде и на кој начин биле извршени нападите.

— реклама —

— реклама —

ИДФ дополнително информира дека седиштето на иранското Министерство за разузнавање во Техеран било погодено „пред кратко време“. Засега нема официјална потврда од иранска страна за овие наводи, ниту детали за евентуалните последици од нападот.

Овие тврдења доаѓаат во период на засилена воена ескалација меѓу Израел и Иран, при што двете страни разменуваат сериозни обвинувања и соопштенија за погодени стратешки цели.