ЈСП Скопје најавува можни измени во автобускиот сообраќај поради ниските температури и снег

ЈСП Скопје ги информира корисниците на јавниот превоз дека, поради ниските минусни температури и најавените временски услови со можни врнежи од снег во Скопје и околината, во наредниот период можно е привремено прилагодување на сообраќањето на одредени автобуски линии.

— реклама —

Од претпријатието појаснуваат дека ефектот на средствата за одржување на патиштата е ограничен при екстремно ниски температури, поради што на одделни делници може да се појават отежнати услови за сообраќај. Како резултат на тоа, дел од линиите ќе сообраќаат до локации кои во моментот се проценети како безбедни и проодни за автобусите, согласно проценките на надлежните служби.

— реклама —

Од ЈСП нагласуваат дека безбедноста на патниците и вработените е апсолутен приоритет и дека, доколку условите не дозволуваат сигурно одвивање на сообраќајот, ќе се преземаат соодветни мерки. За сите евентуални промени, јавноста ќе биде навремено информирана.

— реклама —

Во периоди на стабилно време, јавниот превоз ќе се одвива согласно редуцираниот делничен зимен возен ред, кој важи до крајот на зимскиот училиштен распуст.

— реклама —

Екипите на ЈСП Скопје, заедно со надлежните служби на Градот Скопје и локалните самоуправи, континуирано се ангажирани на терен со соодветна механизација, со цел навремено реагирање и создавање услови за безбедно и непречено функционирање на јавниот превоз.