Јужна Кореја и САД почнаа заедничка вежба: За прв пат, симулација на нуклеарен напад на Северна Кореја

Јужна Кореја и Соединетите Американски Држави денеска започнаа голема комбинирана воена вежба за зајакнување на заедничката одбранбена подготвеност против заканите од Северна Кореја.

— реклама —

Годишната вежба „Штитот на слободата на Улчи“ ќе трае до 29 август, а за време на неа за првпат ќе биде симулиран севернокорејски нуклеарен напад, пренесува Јонхап.

— реклама —

Обемот на вежбата ќе биде сличен на минатогодишниот, а во неа ќе учествуваат околу 19.000 јужнокорејски војници.

Северна Кореја ги осудува заедничките вежби на Јужна Кореја и САД, оценувајќи дека тие се проба за инвазијата на таа земја.

— реклама —

Институтот за американски студии на севернокорејското Министерство за надворешни работи вчера ги осуди вежбите како „најпровокативни воени вежби насочени кон агресија“, пренесува севернокорејската новинска агенција КЦНА.

— реклама —

Јужна Кореја и САД ги отфрлија овие обвинувања, велејќи дека нивните вежби имаат одбранбен карактер.