Каде е Груби? Меџити тврди дека го напуштил Косово

Првиот вицепремиер и министер за животна средина, Изет Меџити во интервју за албанската ТВ „Ора њуз“, кажа дека според неговите информации поранешниот вицепремиер Артан Груби не е повеќе во Косово, туку во Албанија.

— реклама —

— реклама —

„Според информациите, не е на Косово, туку во Албанија. Но, тоа не е важно. Со бегството, тој ја докажал вината и затоа ја напуштил државата. Сигурен сум дека органите на прогонот ќе поднесат меѓународна тужба преку Интерпол и дека ќе се соочи со правдата, можеби денес, утре или задутре“, рече Меџити во интервју за „Ора вести“.

— реклама —

— реклама —

Додава дека „должност на органите на прогонот е да го следат случајот и да обезбедат спроведување на правдата“, нагласувајќи дека „Европскиот фронт ја пополнува американската црна листа“.