Каматата на кредитите во јули 4,68%, новите депозити со пониски камати

Просечната каматна стапка на вкупните кредити во јули 2026 година изнесувала 4,68 отсто, што претставува минимален месечен раст од 0,01 процентен поен. На годишно ниво, сепак, каматната стапка е намалена за 0,23 процентни поени.

— реклама —

Кај вкупните депозити, просечната каматна стапка достигнала 2,18 отсто, со месечен раст од 0,01 процентен поен, додека во споредба со јули минатата година е пониска за 0,03 процентни поени.

— реклама —

— реклама —

Просечната каматна стапка на новоодобрените кредити во јули се зголемила за 0,06 процентни поени во однос на претходниот месец и за 0,02 процентни поени на годишно ниво. Таа изнесува 4,44 отсто.

Кај новопримените депозити, просечната каматна стапка во јули изнесувала 2,42 отсто, што е пад од 0,12 процентни поени на месечно ниво. На годишна основа, стапката е повисока за 0,07 процентни поени.