Кардиолог откри која храна никогаш не би ја јадел: „Ги затнува артериите“

Грижата за здравјето на срцето е особено важна во повозрасните години, а правилната исхрана игра клучна улога во намалувањето на ризикот од срцеви заболувања и мозочен удар.

Американскиот кардиолог Мохамад Ало, кој на „ТикТок“ споделува совети за здравјето на срцето со речиси 270.000 следбеници, откри кои намирници никогаш не би ги консумирал.

— реклама —

„Некои намирници го зголемуваат ЛДЛ холестеролот, ги затнуваат артериите и предизвикуваат срцеви и мозочни удари, деменција и болести на бубрезите“, предупреди докторот.

Тој објасни дека ЛДЛ, познат како „лош холестерол“, придонесува за создавање наслаги во артериите, додека ХДЛ холестеролот помага во отстранување на вишокот масти од крвотокот.

— реклама —

На врвот на листата на намирници што ги избегнува е путерот.

— реклама —

„Путерот е речиси чиста заситена маст. Кога го јадете, ЛДЛ холестеролот расте и артериите почнуваат да се затнуваат“, рече кардиологот.

Тој предупреди и на други намирници богати со заситени масти, како сирење, сланина, свинска маст, прочистен путер, кокосово масло, масни делови од месо и пилешка кожа.

— реклама —

Според британската Национална здравствена служба, просечен маж не треба да внесува повеќе од 30 грама заситени масти дневно, додека кај жените препорачаната граница е 20 грама.

Меѓу производите што содржат заситени масти се и колачи, кроасани, сладолед, чоколадни намази, сувомесни производи и полномасни млечни производи.