Катарските посредници пристигнуваат во Техеран во обид да спречат нова ескалација

И покрај жестоката реторика меѓу Вашингтон и Техеран, дипломатските напори за ставање крај на конфликтот продолжуваат зад затворени врати.

— реклама —

Катарски преговарачи утринава отпатувале во иранската престолнина Техеран со цел да помогнат во финализирањето на евентуален договор меѓу Иран и САД, јави агенцијата Ројтерс.

— реклама —

Овој дипломатски потег доаѓа во момент кога американскиот претседател Доналд Трамп повторно му се закани на Иран дека ќе „плати цена“, додека од Техеран порачаа дека го преиспитуваат продолжувањето на преговорите со Вашингтон.

За развојот на настаните информираше и Си-Ен-Ен, повикувајќи се на неименуван официјален претставник.

— реклама —

„По консултациите со САД, катарските преговарачи утрово отпатуваа за Техеран за да се сретнат со иранските претставници и да се обидат да ги надминат преостанатите разлики“, изјавил изворот.

Катар и претходно имаше улога на посредник во чувствителни регионални прашања, а најновата иницијатива се смета за обид да се зачува можноста за политичко решение и да се спречи натамошна ескалација на кризата на Блискиот Исток.