Кавадарци добива нови атмосферски линии, се решаваат проблемите со задржувањето на дождовницата

ЈП „Комуналец“ Кавадарци продолжува со активности за подобрување на системот за одведување на атмосферските води и решавање на проблематичните точки во градот.

— реклама —

На Западен булевар се гради нова атмосферска линија во должина од 120 метри, со коругирани цевки Ф500, со што треба да се надмине долгогодишниот проблем со задржувањето на атмосферските води.

— реклама —

Паралелно, на улицата „Диме Туриманџов“ се поставуваат нови атмосферски линии и сливни решетки, кои ќе овозможат подобро прифаќање и одведување на водата при обилни врнежи.

Активностите се реализираат како инвестиција на ЈП „Комуналец“, со сопствена изведба, со цел трајно и системско решавање на критичните точки поврзани со атмосферските води во Кавадарци.

— реклама —