Кавадаречки Дол добива ново уредување, се гради таложник

Во Кавадаречки Дол интензивно продолжуваат градежните активности, а во моментов се работи на изградба на таложник, со што ќе се заокружат досегашните работи, информира градоначалникот на Кавадарци, Митко Јанчев.

— реклама —

Кавадаречки Дол е дел од проектот „Справување со загадувањето“, кој Општина Кавадарци веќе две години го спроведува во соработка со УНДП.

Со проектот е предвидено озеленување на површина од 15.000 квадратни метри, како и покривање на Кавадаречки Дол во должина од 760 метри.

— реклама —

По реализацијата, просторот треба да добие современ и еколошки изглед, со што, како што се наведува, ќе се придонесе за подобрување на животната средина и здравјето на граѓаните.

— реклама —

Кавадаречки Дол е предвидено да прерасне во уредена зелена урбана целина наменета за рекреација, прошетка и престој, како чекор кон почист и поодржлив град.

— реклама —