Кенија го потврди првиот случај на ебола, пациентот починал

Кенија го потврди првиот случај на ебола кај свој државјанин кој во саботата пристигнал од Демократска Република Конго, но пациентот во меѓувреме починал, соопшти министерот за здравство, Аден Дуале.

— реклама —

Според министерот, досега се идентификувани 28 лица кои биле во контакт со заразениот пациент. Меѓу нив има членови на неговото семејство и здравствени работници, објави „Гардијан“.

— реклама —

ДР Конго во моментов се соочува со најголемата епидемија на ебола во својата историја. Станува збор за ретка форма на вирусот, позната како Бундибуџо. Епидемијата официјално била прогласена во средината на мај, иако се проценува дека започнала неколку месеци претходно.

Досегашните напори за запирање на ширењето не дале очекувани резултати. Во ДР Конго се регистрирани повеќе од 8.000 заразени и над 4.000 смртни случаи.

— реклама —

Болеста претходно се проширила и во Уганда, каде што биле пријавени 20 случаи и два смртни исходи. Светската здравствена организација во август прогласила дека Уганда е ослободена од ебола.

— реклама —

Еболата се пренесува преку директен контакт со телесни течности на заразени лица, без разлика дали се живи или починати. Меѓу симптомите се висока телесна температура, повраќање и дијареја, додека во потешки случаи може да дојде до внатрешно и надворешно крвавење.