Кенија го потврди третиот случај на ебола, заразена е 65-годишна жена

— реклама —

Кенија го потврди третиот случај на зараза со ебола, откако позитивен тест добила 65-годишна жена, блиска роднина на првите двајца заболени. Таа била во карантин од 6 октомври, пренесува „Ројтерс“.

— реклама —

Според соопштението на кенијското Министерство за здравство, жената била изолирана и тестирана веднаш откако добила покачена телесна температура, болки во грлото и почувствувала општа слабост. Тестот ја потврдил инфекцијата.

„Дијагнозата беше поставена рано, а пациентката во моментов прима потпорна терапија, што ги зголемува нејзините шанси за закрепнување“, соопшти Министерството.

— реклама —

Случаите во Кенија се поврзуваат со епидемијата на ебола во Демократска Република Конго, во која, според наведените податоци, се регистрирани повеќе од 9.000 заразени и над 4.000 смртни случаи. Станува збор за втората најголема забележана епидемија на ебола во светот.

Првиот случај во Кенија бил потврден минатата недела. Станувало збор за Кениец кој се разболел во Конго околу еден месец пред да отпатува со автомобил во Уганда. На 3 октомври пристигнал со авион во Најроби, од каде што негов роднина го однел во болница. Тој починал на 5 октомври.