„Ќе нападнеме уште посилно“ – Иран најави нови удари ако САД повторно нападнат

Иранската армија се закани со нови и уште пожестоки напади доколку САД повторно извршат воени акции против Исламската Република.

— реклама —

Централниот штаб на иранските вооружени сили „Хатам ал-Анбија“ официјално ја потврди одговорноста за утринските напади во регионот и испрати остро предупредување до Вашингтон.

— реклама —

„Криминалната американска војска мора да знае дека, во случај на повторување на агресијата врз Исламската Република Иран, ќе бидат извршени уште пожестоки и пошироки напади врз однапред утврдени цели во регионот“, соопштија од воениот штаб; пренесуваат иранските државни медиуми.

— реклама —

Претходно, Централната команда на американската војска (ЦЕНТКОМ) соопшти дека извела „одбранбени удари“ врз ирански позиции, откако, според американските тврдења, бил соборен воен хеликоптер „Апачи“.

— реклама —

Техеран возврати со лансирање ракети и дронови кон американски позиции во Јордан и Кувајт, додека напади беа регистрирани и во Бахреин, дополнително зголемувајќи ги стравувањата од поширока ескалација на конфликтот на Блискиот Исток.