Ќе се реконструираат детски игралишта и урбана опрема во Карпош

Општина Карпош започна пролетна акција за реконструкција и реновирање на детските игралишта и урбаната опрема на својата територија.

— реклама —

Во рамки на акцијата ќе се врши обнова на детските игралишта, реконструкција и замена на оштетените клупи и корпи за ситен отпад, како и уредување на останатата урбана опрема што е во надлежност на општината.

— реклама —

Од локалната самоуправа информираат дека, според предвидената динамика, во наредниот период сите игралишта и урбани содржини ќе добијат подобар изглед и ќе бидат побезбедни за користење.

„Игралиштата ќе бидат безбедно место за игра на најмалите жители, како и простор за релаксација на сите карпошани“, соопштија од Општината.

— реклама —

Заменик-градоначалникот Неделчо Крстевски секојдневно ја следи работата на екипите кои работат на терен низ општината.

— реклама —

Од Општина Карпош велат дека активностите се дел од заложбите за обезбедување побезбедна и поуредена средина за граѓаните.