Веќе извесно време речиси сите нови автомобили се опремени со автоматски старт-стоп систем, а производителите им ветуваат на купувачите намалена потрошувачка на гориво.
Автоматскиот старт-стоп систем го исклучува моторот со внатрешно согорување кога возилото ќе застане, а повторно го стартува во моментот кога возачот ќе ја притисне педалата за гас.
Точниот начин на работа варира од производител до производител и зависи од типот на менувачот, како и од реалните остварени заштеди, пишува Ревија ХАК.
Сепак, според пресметките на ADAC, можно е заштедата на гориво да изнесува меѓу 10 и 15 проценти. Особено во градски услови, кај возилата со автоматски менувач, старт-стоп системот може значително да придонесе за пониска потрошувачка, бидејќи моторот почесто се гаси при кратки запирања.
За разлика од целосното гасење на моторот, кај старт-стоп системот вградената електроника останува активна, а со тоа и функциите за удобност како греење на седиштата, мултимедија и клима-уред.
