Комунална хигиена: Граѓаните и понатаму бесплатно ќе можат да одлагаат кабаст отпад

ЈП „Комунална хигиена“ – Скопје соопшти дека продолжува со бесплатната услуга за одлагање кабаст отпад во Центарот за селекција на отпад во Карпош.

— реклама —

Граѓаните и понатаму ќе можат без паричен надоместок да одлагаат стар мебел, електрични и електронски апарати, секој ден во неделата, во периодот од 7 до 19 часот.

— реклама —

— реклама —

Од претпријатието информираат дека за оние што имаат потреба кабастиот отпад да биде преземен од нивниот дом, достапна е и организирана услуга за транспорт со специјални комунални возила. Закажувањето се врши од понеделник до петок, од 7 до 15 часот, на телефонските броеви 0800 222 33 и (02) 3216-644.

Воедно, од ЈП „Комунална хигиена“ потсетуваат дека фрлањето отпад на јавни и сообраќајни површини претставува прекршување на Законот за јавна чистота и е казниво, а ваквото несовесно однесување може да има сериозни последици врз животната средина и јавното здравје.