Кошта по разговорот со Срдановиќ: Местото на Србија е во Европската Унија

Претседателот на Европскиот совет, Антонио Кошта, разговараше со носителот на листата „Студентска листа – Студентите победуваат“, Илија Срдановиќ, кому му ја честиташе победата на оваа листа на парламентарните избори во Србија.

— реклама —

Кошта на социјалната мрежа Икс истакна дека разговорот со Срдановиќ бил добар и дека приоритет е во Србија без одлагање да се конституира парламентот и да се формира нова влада, преку мирна транзиција и со целосно почитување на изборните резултати.

— реклама —

„Местото на Србија е во Европската Унија. Подготвени сме да го поддржиме нејзиниот европски пат, со јасен фокус на реформите што ги побара српскиот народ: владеење на правото, борба против корупцијата и слобода на медиумите“, напиша Кошта на Икс.

— реклама —

Да потсетиме, на парламентарните избори одржани во неделата, „Студентската листа – Студентите победуваат“ освои 141 пратенички мандат со 53 отсто од освоените гласови.

На второто место се најде листата „Александар Вучиќ – Обединета Србија“, со освоени 38,8 отсто од гласовите, односно 103 пратенички мандати.