Криста Пајк по неуспешната егзекуција, се жали на условите во затворот: „Морам да чистам тушеви полни со лебарки“

Криста Пајк, осуденичка на смрт која преживеа неуспешен обид за егзекуција, поднесе ново барање поради условите во затворот. Таа тврди дека ја принудуваат да работи во нехигиенски услови и стравува за сопствената безбедност.

Пајк (50) беше вратена во затворот по неуспешната смртоносна инјекција на 30 септември. Овој настан привремено ги запре сите егзекуции во американската сојузна држава Тенеси, додека трае истрагата, пишува „Унилад“.

Откако на 9 октомври беше отпуштена од болница, Пајк побарала да биде вратена меѓу другите затворенички. Во лична изјава, до која дошло списанието „Пипл“, таа изразила загриженост за своето здравје и општата благосостојба. Навела дека мора да чисти туш полн со лебарки и дека поради тоа се плаши од можна инфекција.

— реклама —

Таа стравува и дека нема да може да се одбрани од евентуален напад поради трајните последици што ги чувствува откако преживеала две дози пентобарбитал.

„Во ова одделение престојуваат затворенички со сериозна историја на напади и дисциплински проблеми“, напишала таа.

— реклама —

„Во текот на двете години што ги поминав во тоа одделение, бев сведок на бројни напади врз други затворенички и чувари. Видов луѓе кои доживуваа тешки психички сломови и и самата бев во голема опасност“, изјавила Пајк.

Таа тврди дека поради нејзината моментална физичка состојба не е безбедна во тоа одделение и дека не би можела да побегне доколку некој ја нападне.

„Се плашам дека ќе бидам тешко повредена ако ме преместат во тоа одделение додека сум во ваква слаба состојба“, додала таа.

— реклама —

Пајк навела и дека сака да учествува во заедничките оброци, предавањата, верските служби и рекреативните активности. Во моментов поголемиот дел од времето го минува сама во болничкото одделение, а единствениот контакт го има со својот адвокатски тим.

Нејзиниот правен тим во изјава за „Пипл“ истакнал дека барањето е итно бидејќи изолацијата ѝ штети.

— реклама —

„Бараме од судот да ѝ наложи на државата да ја прекине нејзината изолација и да ги врати заштитните мерки од договорот, во мера во која тоа го дозволуваат нејзините медицински потреби и безбедноста“, соопштиле адвокатите.

Адвокатите имаат рок за одговор до утре, додека нејзиниот тим има рок за произнесување до петок.

Криста Пајк се разбуди по неуспешната егзекуција: Сега оди, но има сериозни здравствени проблеми

Криста Пајк, осуденичката на смрт во Тенеси која преживеа неуспешна егзекуција минатата недела, се разбудила и повторно почнала да оди, соопшти нејзиниот адвокат.Педесетгодишната Пајк беше осудена на смрт за убиството на соученичката Колин Слемер во Ноксвил во 1995 година. На 30 септември, во затворот со максимална безбедност „Ривербенд“ во Нешвил, врз неа била извршена егзекуција со смртоносна инјекција, но преживеала и по две дози пентобарбитал.По неуспешната егзекуција, Пајк била пренесена во

Свет | пред 3 седмици