Кристерсон: „Шведска се врати дома“

Со интонирање на националната химна денеска беше подигнато знамето на Шведска пред седиштето на НАТО во Брисел.

— реклама —

Знамето беше подигнато по заедничката прес-конференција на шведскиот премиер Улф Кристерсон и генералниот секретар на Алијансата Јенс Столтенберг.

— реклама —

„Шведска се врати дома“, рече Кристерсон, според шведскиот јавен радиодифузер SVT.

Шведска поднесе барање за членство во НАТО во мај 2022 година, а нејзиниот влез во Алијансата беше блокиран од Унгарија бидејќи Стокхолм ја критикуваше состојбата на владеењето на правото во таа земја.

— реклама —

Унгарскиот парламент на крајот на февруари го ратификуваше барањето на Шведска за членство во НАТО, а на 5 март законот го потпиша и унгарскиот претседател.

— реклама —

Пред тоа, Кристерсон ја посети Будимпешта кога беше потпишан договорот за купување на четири шведски ловци од Унгарија.