Специјалниот пратеник на американскиот претседател Доналд Трамп, Џаред Кушнер, позитивно ја оцени средбата со рускиот претседател Владимир Путин, опишувајќи ја како „многу добар дијалог“.
„Тоа беше многу добар дијалог. Ние поставивме многу прашања. И тој постави многу прашања“, рече Кушнер.
Средбата на Путин со Кушнер и американскиот специјален пратеник Стив Виткоф се одржа во саботата во Кремљ и траеше повеќе од три часа, според „Волстрит џурнал“.
По разговорите во Москва, американските преговарачи отпатуваа за Киев. Според украинската медиумска мрежа ТСН, официјалниот дел од разговорите се одвивал во неколку фази, а подоцна во разговорите се приклучиле и претставници на Велика Британија, Франција и Германија.
