ЛДП: Можна страшна економска хаварија - АЛТА е само првото домино од увозот на сомнителен српски и унгарски капитал!

Либерално-демократската партија (ЛДП) преку соопштение предупредува на можни сериозни економски последици по случајот со „Алта банка“, оценувајќи дека тој не е изолиран инцидент, туку показател за ризиците од влезот на сомнителен странски капитал во македонскиот финансиски систем.

— реклама —

Од партијата тврдат дека фирми поврзани со политичките центри на моќ во Унгарија и Србија биле пречекани со поддршка од актуелната власт, која, според ЛДП, ги занемарила ризиците и ги промовирала нивните деловни интереси.

— реклама —

Според партиското соопштение, последиците веќе се чувствуваат преку замрзнатите сметки, заглавените бизниси и неизвесноста кај граѓаните. Од ЛДП оценуваат дека политички поддржаните деловни зделки и клиентелизмот можат да предизвикаат сериозни последици за македонската економија.

— реклама —

Партијата бара итна и независна меѓународна експертска проверка, како и целосен отчет за тоа кој ги одобрил влезовите на странски капитал во банкарскиот сектор. Истовремено, бара гаранции за заштита на штедачите и компаниите.

— реклама —

Од ЛДП сметаат дека по завршувањето на кризата треба да следуваат оставка од гувернерот на Народната банка и расчистување на институциите од, како што ги нарекуваат, политички патрони. Порачаа дека граѓаните не смеат да ги сносат последиците од сомнителни економски зделки и регионални политички влијанија.