ЛДП: Славевски и Владата тотално забегаа! Сѐ уште мислат дека со 10.000 денари неделно народот живее луксуз

Либерално-демократската партија (ЛДП) преку соопштение упати критики до гувернерот на Народната банка, Трајко Славески, и Владата поради ограничувањето од 10.000 денари неделно за клиентите на АЛТА банка. Од партијата оценуваат дека оправдувањето оти оваа сума е доволна, бидејќи е усогласена со просечните плати и пензии, ги занемарува реалните трошоци и секојдневните потреби на граѓаните.

— реклама —

Од ЛДП посочуваат дека граѓаните се соочуваат со ограничен пристап до сопствените средства, додека треба да ги подмират основните животни трошоци, како храна, сметки, електрична енергија и лекови.

— реклама —

„Какво трпение кога луѓето не можат да си ги подигнат сопствените пари за да ги намират основните животни потреби?“, прашуваат од партијата, реагирајќи на повиците за трпение додека трае решавањето на состојбата во банката.

— реклама —

ЛДП оценува дека случајот со АЛТА банка покажува отсуство на разбирање за проблемите со кои се соочуваат граѓаните и бара итно одмрзнување на нивните средства.

— реклама —

Партијата бара одговорност од гувернерот и Владата за настанатата состојба, како и утврдување на одговорност за финансиското случување околу банката. Од ЛДП порачуваат дека, според нив, проблемот не може да се надмине со изјави и оправдувања, туку со конкретни решенија.