Левица ја обвини СДСМ дека одбила да се приклучи на иницијативата за опозициско обединување околу воведувањето една изборна единица, оценувајќи дека со тоа свесно ја саботирала идејата.
Од партијата тврдат дека СДСМ останала на, како што велат, таен договор со ВМРО-ДПМНЕ Изборниот законик да не се менува, со цел да се зачува актуелниот изборен модел.
Во соопштението Левица наведува дека и покрај јавните политички судири меѓу двете најголеми партии, тие, според нив, имаат заеднички интерес кога станува збор за изборниот систем и за одредени законски решенија.
Партијата како пример ги посочува измените на Кривичниот законик од 2023 година и ослободителната пресуда за Никола Груевски во предметот „Талир 2“, тврдејќи дека тие се резултат на заедничко делување на СДСМ и ВМРО-ДПМНЕ.
Од Левица додаваат дека, и покрај, како што велат, договорите меѓу двете партии, очекуваат поддршката за нив да продолжи да расте.
