Макрон призна: Не очекувавме толкави протести и немири во Франција

Францускиот претседател Емануел Макрон призна дека властите биле изненадени од масовноста на протестите и немирите на 17 октомври, поради што полициските сили не биле доволно подготвени да одговорат на ситуацијата.

„Воопшто не го очекувавме тоа. Седумнаесетти октомври не беше предвиден. Властите беа изненадени од толкавиот број припадници на ултралевицата кои се мобилизираа уште во раните утрински часови“, изјави Макрон за време на посетата на Марсеј, пренесува БФМ.

— реклама —

Тој призна дека полициските сили не биле соодветно распоредени, но нагласи дека државата и понатаму го одржува јавниот ред без воведување вонредна состојба.

— реклама —

Макрон оцени дека и следната сабота би можела да биде ризична, а најави дека протестните поворки ќе се движат надвор од градските центри. Тој најави и нови мерки наменети за средношколците, кои, како што рече, ќе бидат објавени во многу краток рок.

— реклама —

Францускиот претседател побарал од владата да одговори на оправданите барања што стојат во основата на актуелното општествено движење. При посетата на Марсеј, тој го пофали работењето на безбедносните сили за време на минатонеделните немири во градот и во другите делови на Франција.

Макрон пристигна во градското собрание на Марсеј околу пладне, каде што ја разгледа штетата предизвикана за време на насилствата на 17 октомври.