Двајца жители на гостиварското село Сенокос се лишени од слобода поради сомнение дека физички нападнале и му се заканувале на малолетно лице.
Од СВР Тетово информираат дека на 1 јуни полициски службеници од ОВР Гостивар ги привеле Х.З. (74) и А.Р. (69), постапувајќи по претходна пријава поднесена од Е.Р. (37) од селото Градец.
Според пријавата, двајцата осомничени во комбе физички го нападнале и му упатувале закани на неговиот малолетен син, кој во тој момент се враќал од училиште.
По преземените мерки и активности, лицата биле лишени од слобода и задржани за понатамошна постапка.
Од полицијата наведуваат дека по целосно документирање на случајот ќе биде поднесена соодветна пријава.
Се работи на утврдување на сите околности поврзани со инцидентот.
