На политичката партија Левица, очигледно, само функциите им се важни, па затоа на денешна седница на Советот на Град Скопје, нејзини советници јавно побараа, спротивно на Закон, нивни членови да бидат членови на Управни и Надзорни одбори.
Во однос на ова, реагираше советничката од ВМРО-ДПМНЕ, Анета Марковска Илиевска која потенцираше дека членови на партијата Левица, ниту на друга партија нема да бидат дел од Надзорните и Управните одбори на институциите во Град Скопје, затоа што ниту еден закон не постои дека членот на Управен одбор или Надзорен одбор, треба да биде член на политичка партија.
„Добро е што се одваживте и што дојдовте на Комисијата за да ги разгледате документите. Ви беа дадени сите документи и особено морам да истакнам дека во случајов вие признавате пракса од минатото со тоа што кажувате дека немало членови од Левица. Во ниту еден закон не постои дека членот на Управен одбор или Надзорен одбор, треба да биде член на политичка партија. Немало членови на Левица, на Левица нема ни да има заради тоа што законот тоа ниту го бара, ниту го дозволува”, рече Марковска Илиевска.
Таа понатаму додаде дека до сега во Комисија беа разгледани апликации за членови на Управни и Надзорни одбори, коишто согласно Закон и во предвиден рок беа поднесени, а во комисијата која ги разгледувала апликациите имало членови и од Социјалдемократскиот сојуз, и од Влен, како и членови од коалицијата предводена од ВМРО-ДПМНЕ.
„Тие лица коишто беа разгледувани документи, коишто поднеле во рок, коишто беа интервјуирани согласно закон си ги доставија и беа регуларно разгледани од комисијата. Зборувам за јавните установи, онаму каде што јас членувам регуларно си беа доставени, си се одржа комисијата. Таму членови на комисијата се и од СДС, од Влен, од коалицијата на ВМРО-ДПМНЕ, вас ви беа дадени на увид. Така што, апсолутно ве уверувам дека нема да има членови на Левица, заради тоа што во ниту еден закон не пишува дека партиски кадри треба да се членови на Управен или Надзорен одбор“, истакна советничката Марковска Илиевска.
