Маж ја нападнал сопругата со која се разведува и ѝ го оштетил возилото

Четириесет и двегодишен жител на Гостивар е приведен откако бил пријавен дека физички ја нападнал својата сопруга, со која е во бракоразводна постапка, и ѝ го оштетил возилото.

— реклама —

Од СВР Тетово информираат дека на 31 мај 2026 година во 21:35 часот на улицата „Гоце Делчев“ во Гостивар, полициски службеници го лишиле од слобода В.П. (42) од Гостивар.

— реклама —

— реклама —

Полициската интервенција следела по пријава од неговата 38-годишна сопруга, која навела дека по кратка расправија тој физички ја нападнал и ѝ предизвикал оштетувања на автомобилот.

Осомничениот е задржан во полициска станица за понатамошна постапка, а по целосно документирање на случајот против него ќе биде поднесен соодветен поднесок.