(Видео) Маж ѝ удри шлаканица на жена, таа му возврати: Тепачка пред пицерија во Белград поврзувана со паралелни избирачки списоци

Во Белград денеска дошло до физичка пресметка поради која интервенирале полицијата и Итната помош. Според првичните информации, во инцидентот е повредена една жена, објави „N1 Белград“.

Инцидентот се случил околу 14 часот пред пицеријата „Цезар“. Граѓани кои биле собрани на местото за репортерката на „N1“ изјавиле дека на физичката пресметка ѝ претходела вербална расправија.

— реклама —

Во инцидентот била повредена една жена, за која се претпоставува дека била однесена со возило на Итната помош, кое во меѓувреме го напуштило местото на настанот.

— реклама —

Според сведоци, до судирот дошло кога незадоволни граѓани се обиделе да го снимаат сопственикот на пицеријата, Миќа Совтиќ, кој, според нивните наводи, исто така учествувал во инцидентот.

На снимката се гледа како група луѓе го напаѓа Совтиќ, а на крајот му задаваат силен удар во главата. За време на инцидентот настанале голем метеж и хаос, но на крајот јасно се гледа дека Совтиќ го извлекол подебелиот крај.

— реклама —

На социјалните мрежи се појави и друга снимка, направена одблизу. На видеото од инцидентот се гледа како мажот ѝ удира силна шлаканица на жената, по што таа му возвраќа со удар. Потоа во физичката пресметка се вклучуваат и други луѓе, а ситуацијата дополнително ескалира. Според „Телеграф“, можно е токму тој момент да бил почетокот на физичката пресметка.

Пицеријата „Цезар“ стана позната во јавноста за време на претходниот изборен циклус. Тогаш опозициски активисти изразија сомнежи дека во објектот се водат паралелни избирачки списоци.

View this post on Instagram