Мелони: Не се согласувам со повлекување на американските трупи од Италија

Италијанската премиерка Џорџа Мелони изјави дека нема да поддржи евентуална одлука на американскиот претседател Доналд Трамп за повлекување на американските војници од Италија.

— реклама —

„Тоа е одлука која не зависи од мене и со која лично не би се согласила“, им рече Мелони на новинарите во ерменската престолнина Ереван, на маргините на самитот на Европската политичка заедница.

Американскиот претседател минатата недела беше прашан дали Вашингтон ќе разгледа повлекување на своите војници од Италија и Шпанија, а Трамп одговори „веројатно“.

— реклама —

„Италија воопшто не ни помогна, а Шпанија беше ужасна, апсолутно ужасна“, им рече на новинарите во саботата.

— реклама —

Пентагон во петокот објави дека САД ќе го намалат своето воено присуство во Германија за 5000 војници, во својата најголема европска база.

Трамп во саботата изјави дека бројот на војници во Германија ќе го намали за „далеку повеќе“ од 5000.

— реклама —

Трамп се закануваше дека ќе го намали бројот на американските војници во Германија и во други европски земји за време на двата свои мандати во Белата куќа, тврдејќи дека сака Европа да преземе поголема одговорност за сопствената одбрана наместо да зависи од Вашингтон.