Миа Костова: Недостаток на внимание од дома создава проблематично однесување кај децата

Инфлуенсерката Ина Многуфина со остар став се вклучи во јавната дебата по случајот со малтретирањето на малолетничка во Ѓорче Петров, посочувајќи дека коренот на ваквото однесување лежи во семејното воспитување.

„Па искрена да бидам, да имаш 12 години и да ти текне да раниш некој со гомна и да го гориш со цигари значи дека превише никој не го заболе за тебе дома“, напиша Многуфина.

— реклама —

Таа критикува дел од современите пристапи во родителството, оценувајќи дека, според неа, тие се користат како изговор за недоволно внимание кон децата.

„И манете ме со ‘насилство раѓа насилство’. Нема никакво насилство во една заушка која следен пат ќе ја памтиш“, вели таа.

— реклама —

Во објавата, Многуфина дополнително посочува дека проблемот не е само во насилството, туку и во односот на децата кон него, особено кога тоа се снима и се споделува.

„Да снимаш и да се радуваш на туѓа агонија е врв на безобразлук, немање љубов а ни страв од последици“, додава таа.

— реклама —

Нејзиниот став предизвика поделени реакции на социјалните мрежи – дел од јавноста се согласи со критиката за недостиг на граници во воспитувањето, додека други предупредија дека оправдување на физичко казнување не е решение и може дополнително да го продлабочи проблемот со насилството кај младите.

Случајот во Ѓорче Петров и натаму е во фокусот на институциите, а јавната дебата се проширува и на прашањето за улогата на родителите, училиштата и системот во спречување на вакви појави.