Мицкоски ги остави граѓаните без заштита – мерки дури по Велигден, велат од СДСМ

СДСМ обвини дека Владата предводена од Христијан Мицкоски доцни со мерките за заштита на животниот стандард, оставајќи ги граѓаните да се соочат со зголемените трошоци во пресрет на Велигденските празници.

— реклама —

Од партијата посочуваат дека, според податоците на Државниот завод за статистика, трошоците за живот во март се зголемени за 4,9 проценти, при што најголем раст има кај храната и безалкохолните пијалоци – 7,5 проценти, како и кај земјоделските производи со 6,4 проценти.

— реклама —

„Животот на граѓаните стана поскап, а Владата не презеде навремени мерки. Наместо реакција во период кога трошоците се најголеми, Мицкоски најавува мерки по Велигден, повикувајќи се на анализи и извештаи“, велат од СДСМ.

— реклама —

Партијата додава дека со недели предупредувала на растот на цените и понудила конкретни предлози за намалување на цените на горивата и храната, но, според нив, тие биле игнорирани.

— реклама —

Од СДСМ оценуваат дека последиците од, како што велат, задоцнетата реакција, веќе ги чувствуваат граѓаните преку зголемени трошоци и намален животен стандард.