Мицкоски: Ќе ја зајакнеме соработката со Интерпол во борбата против криминалот

Премиерот Христијан Мицкоски денеска оствари средба со генералниот секретар на Интерпол, Валдеси Уркиза, на која разговарале за унапредување на соработката и зајакнување на заедничките активности во борбата против организираниот криминал.

— реклама —

Како што објави Мицкоски на социјалните мрежи, на средбата биле разгледани можностите за поинтензивна соработка во справувањето со организираниот криминал, сајбер-криминалот, трговијата со луѓе и другите облици на прекуграничен криминал, како и за понатамошно јакнење на капацитетите на македонските институции.

— реклама —

— реклама —

— реклама —

„Македонија останува посветен и доверлив партнер во меѓународните безбедносни напори. Само преку силна координација, размена на информации и заедничко дејствување можеме поефикасно да ги заштитиме граѓаните, да го зачуваме владеењето на правото и да придонесеме кон поголема регионална и глобална безбедност“, напиша Мицкоски.