Мицкоски најави нови смени: За недела-две промени на заменици-министри и директори

Премиерот Христијан Мицкоски најави нови кадровски промени во вториот и третиот ешалон на власта, кои треба да се случат во следните една до две недели. Станува збор за позиции на заменици-министри и директори, а конечните решенија треба да бидат усогласени со коалициските партнери.

— реклама —

На новинарско прашање кога може да се очекуваат промените, Мицкоски рече дека веќе има претстава за кадровските решенија.

— реклама —

„Па, јас отприлика имам што, каде и како. Треба коалициски да потврдиме и ќе се случи во следнава недела-две“, рече Мицкоски.

— реклама —

Промените следуваат по реконструкцијата на Владата од јули, кога беа направени промени на повеќе министерски позиции. Уште при најавувањето на реконструкцијата, Мицкоски посочи дека прашањето за заменик-министрите ќе биде отворено наесен.

Засега премиерот не откри кои заменици-министри и директори ќе бидат сменети, ниту кои имиња се разгледуваат за нивни наследници.