Мицкоски најави ново намалување на цената на бензинот и дизелот

Премиерот Христијан Мицкоски очекува ново намалување на цените на безоловниот бензин и дизелот, повикувајќи се на следењето на движењата на светските берзи.

— реклама —

Одговарајќи на новинарско прашање, Мицкоски рече дека државата води паралелна евиденција на цените и очекува во текот на денот повторно да има намалување на цените на горивата.

— реклама —

Тој посочи дека Македонија и понатаму има едни од најниските цени на дизелот и безоловниот бензин од 95 и 98 октани, при што горивата, според него, се поевтини за околу 25 до 50 центи по литар во споредба со соседните земји.

— реклама —

Мицкоски рече дека одржувањето на цените на ова ниво има финансиски трошок од околу 7 до 8 милијарди денари. За да се усогласат овие трошоци со останатите буџетски потреби, најави ребаланс на буџетот, чија процедура очекува да заврши во текот на месецот.

„За нас прв приоритет е стандардот на граѓаните“, рече Мицкоски, додавајќи дека во услови на конфликти и војни во светот Владата се обидува да ја одржи стабилноста на цените и поволна средина за инвестиции и економски развој.