Мицкоски повика химната да се интонира во училиштата во сите општини, независно од етничката структура на населението

Премиерот Христијан Мицкоски повика државната химна да се почитува и да се интонира во училиштата во сите општини, независно од етничката структура на населението.

— реклама —

Мицкоски посочи дека начинот на интонирање на химната е јасно уреден со Уставот и законите и дека не постои дилема околу нејзиниот статус.

„Јас повикувам сите, апсолутно сите општини, без разлика на етничката димензија, државната химна да се почитува и да се интонира во училиштата“, рече премиерот.

— реклама —

Тој објасни дека, согласно законските одредби, државната химна може да се интонира со пеење или со слушање.

— реклама —

Во однос на интонирањето химни на други држави, Мицкоски рече дека и тоа прашање е регулирано со закон.

„Има закон како се регулира тоа и согласно законот може да се интонира химна на друга држава доколку се интонира и државната химна“, изјави Мицкоски.

— реклама —

Според него, доколку се почитуваат законските правила, не треба да има никакви проблеми со интонирањето на химни во училиштата.